Google ADS

“Kontakti me alienët sjell fundin e njerëzimit”

18:04 | 9 Shkurt 2017
Trina Galanxhi

Lucianne Walkowicz, një astrofizikane në “Adler Planetarium” të Çikagos, ka thënë për “NBC News” se kontakti me jashtëtokësorët do të sillte fundin e njerëzimit.

“Nëse ne i dërgojmë shpesh mesazhe, me qëllim që të kemi vëmendjen e një civilizimi më inteligjent, ky civilizim mund të mos ketë qëllime të mira ndaj nesh”, u shpreh Walkowicz.

Por, nga ana tjetër ajo pranoi se ekziston edhe mundësia që alienët ta ndihmojnë botën tonë.

“Kontakti me UFO-t mund t’i japë fund njerëzimit, por edhe mund të shtojë cilësinë e jetës në Tokë. Nuk mund ta dimë me siguri”, tha astrofizikania.

Edhe Stephen Hawking mendon se ne po luajmë me zjarrin duke u munduar që të kontaktojmë jashtëtokësorët. Ai beson se nëse alienët e zbulojnë planetin tonë, mund të duan ta pushtojnë ose kolonizojnë atë.

Shpërndaje në rrjete sociale

Lajmet më të lexuara

Të ngjashme

Foto lajm